NAGA CITY- Patuloy ang paglobo ng confirmed cases ng Covid-19 sa Naga City matapos na makasalamuha nina Bicol#91 at Bicol#92.
Sa ngayon mayroon nang 13 active cases sa nasabing lungsod habang 109 sa Bicol Region.
Sa opisyal na pahayag ni Naga City Mayor Nelson Legacion kinilala nito si Bicol#109 na isang lalaki, 43-anyos , residente ng Zone 4-A Spillway, Concepcion Pequeña at isang trabahador sa bahay nina Bicol#92 at Bicol#100.
Dahil dito mananatiling nasailalim sa “lockdown” ang nasabing barangay hanggang sa hindi pa nakakasiguro na wala ng banta ng nasabing sakit sa lugar.
Magsasagawa narin umano ng rapid antibody test, o kaya swab test kung papayagan ng Department of Health(DOH) sa mga residente ng Spillway, Concepcion Pequeña na mayroong sintomas o nagkaroon ng contact sa lahat ng nagpositibo dito.
