Nanindugan si Iranian President Masoud Pezeshkian na habo na kaining palawigon pa an giyera ninda kan Israel.
Alagad preparado sindang tapatan an anuman na giginuhong pang-aatake sa saindang teritoryo.
Isinagibo kan Iranian President an pahayag kan apudon ini ni Turkish President Recep Tayyip Erdogan.
Pigtawan-duon kaini na bako sinda an nagpuon kan giyera kun saen huli digde kadakol na mga sibilyan na an binawian nin buhay magin an mga scientist asin military lider ninda.
Madepende sana an pakikibali kaini sa nuclear talks sa US kun napundo na an piggibong pag-aatake kan Israel.
Pigsierto man kan Presidente kan Turkey na preparado sindang magtahaw tanganing dagusan ng mapundo asin mapababa an tensiyon sa tahaw kan Israel asin Iran.
Marurumdumang igwang 24 katawo na an binawian nin buhay sa Israel kun saen 592 man an irido mantang sa kampo kan Iran maabot sa 224 na katawo an binawian nin buhay puon kan puonan an pag-atake kan Israel kan nakalihis na Biyernes.
