Kinumpirmar kan Israel na nagadan an tulong katao sa strike kan Iran sa Israel makalihis ianunsiyar ni US President Donald Trump an ceasefire sa pag ultanan kan duwang nasyon.
Enot ng sinaysay ni Trump na magigin epektibo an ceasefire sa laog kan 24 oras magpuon pasado alas-4:00 nin pagkaaaga Greenwich mean time (GMT) o alas-12 nin pagkaudto, oras sa Pilipinas kan nakalihis na Martes, June 24.
Kun saen pigpuonan kan Iran an pag untok kan gabos nin saindang operasyon asin susundan man kan Israel, makalihis an 12 oras.
Bagaman dae pa kinukumpirmar kan lado kan Israel an nasambitan ng kasunduan mantang tinutulan man ini ni Iran Foreign Minister Abbas Araghchi asin pighurot na mauntok sana sinda sa pag-atake kun iniuntok man kan Israel an saindang pag-atake.
Sa ibong kaini, sinaysay kan Israeli army na inactivate ninda an sirens sa northern Israel pirang oras antes na ireport kan Iran state media an paaabuton na serye kan missiles gikan Iran pasiring Israel.
Nakapagrehiatro man an Israeli emergency services nin casualties sa inilunsar na missile strikes kan Iran sa southern Israel kun saen nairehistro an tulong kataong binawian nin buhay.
Basado sa opisyal na datos kan mga nagadan magpuon an ribayan kan pag-atake sa pag-ultanan kan Israel asin Iran kan nakalihis na Hunyo 13 kan presenteng taon, nagpakol na sa labi sa 400 katao an nagadan sa Iran mantang 24 man an binawian nin buhay sa lado kan Israel.
