Liwat na pinatanidan kan Israel an Hamas na dae sinda mapundo sa aistrike hasta dagusan ng malibre an mga bihag na kapot ninda.
Sigun ki Israeli Defense Minister Israel Katz, na igwa na sindang mga puwersa na preparadong sakupin an dakulang parte kan Gaza.
Inabisuhan na man ninda an mga residentes kan Gaza na mag-ebakwar para sa pagpepreparar kan makusog na aistrike.
Nanindugan ini na hasta magmatagas an Hamas na palibrehon an mga bihag, kadakol na mga teritoryo an masasakop kan Israel.
Enot ng sinaysay kan Hamas na nakikipag-koordinar na sinda sa mga mediators na nasyon siring sa Qatar asin Egypt tanganing pugolan an pag-atake kan Israel asin magbweltada sa ceasefire.
Marurumduman sa nakalihis na duwang aldaw an dae mababa sa 500 katawo na an binawian nin buhay sa airstrike kan Israel.
