Pig-ako kan Israel an nangyaring air strike sa Beirut Lebanon.
Segun sa Israel, pigpuntirya ninda an kumander kan Hezbollah na iyo an responsable sa mga pag’atake sa Majdal Shams kan nakalihis na Sabado, Hulyo 27.
An Israel Defense Forces naggamit nin sarong drone na nagpaluwas nin tolong missiles.
Pigkokonsiderar man kan Israel na pagbalos an saindang ginibo.
Enot, nang nagpatanid si Hezbollah chief Hassan Nasrallah na kun salakayon kan Israel an kabisera na Beirut, dai sinda mag-aalangan na salakayon an Tel Aviv.
Nagpatanid an White House na an pagbalos kan Israel dai makakatapos kan nasabing kariribokan sa lugar.
Sa ibong na lado, pigkondenar kan Iran an nasabing insidente na magigin kawsa nin mas grabeng kariribokan.
