Kinuwestiyon ni Atty. Paolo Panelo, an tagapagtaram ni Bise Presidente Sara Duterte, an bagong diskusyon manungod sa 16-vote threshold para sa sarong conviction sa impeachment trial.
Segun ki Panelo, dapat ikonsiderar an mga sitwasyon na nakakaapekto sa pag-atender asin pagpartisipar kan mga senator-judge bago ribayan an bilang na masirbing basehan kan boto.
Ginibo ni Panelo an pahayag matapos madangog kan Senate impeachment court an manlaen-laen na pananaw kan mga retiradong mahistrado kan Korte Suprema na inimbitaran na magsirbing Amici Curiae o “Friends of the court.”
Sigon digdi, kun ibababa an denominator o an bilang na pagbabatayan kan two-thirds requirement, pwedeng magkaigwa nin oportunidad na maimpluwensyahan an resulta base sa kun siisay-sisay na senador an makakaatender o makakaboto.
Tinawan-doon ni Panelo na dapat diskusyunan an voting threshold kaiba an konteksto kan mga senador na posibleng dai makapartisipar huli sa mga kasong isinampa laban sa sainda o huma nin legal na aksyon.
