NAGA CITY- Nairehistro kan PSO-Siruma na an kadalsang pagbalgar sa trapiko sa banwaan an kawaran nin lisensya asin dae rehistradong behikulo.
Sigun ki Marcelo Villafuerte, Public Safety Office Head, na mahigot nindang pigpapautob sa banwaan kan Siruma, Camarines Sur an Municipal Ordinance 102, an Traffic Management Code asin 104 na nagbabawal sa mga menor de edad na magdrive, kun saen kadaklan na mga traffic violations orog na sa mga motorsiklo an mayong lisensya o dae rehistrado an unit.
Katakod kaini, napag-araman man sa pirang mga violators na nadidipisilan sinda na magparehistro o magkua nin lisensya, huli ta harayo an opisina o igwa nin distansya an Land Transportation Office.
Huli digdi, nangangapudan ini orog na sa mga Barangay Official na ipaaram man sa mga motorista na mahigot sindang nagpapautob nin ordinansa.
Sa Municipal Ordinance Traffic Management Code, P100.00 hasta P500.00 an penalty depende sa offense.
Dugang pa kan opisyal, komo kasimbagan sa problema masagibo nin registration sa banwaan para sa mga mayo pang lisensya o dokumento na pangengenotan kan Local Unit Development Office sa Setyembre 26-27 asin sa pakikipag-koordinar sa LTO Tigaon.
