NAGA CITY- Piglalaomang maabot sa 5,000 hasta 6,000 na mga government workers an masabay sa gigibuhong hiro-protesta sa Hongkong ngonian na
aldaw.
Kan nakaaging semana kan maghampang sa media an representante kan mga government workers asin inanunsyar an pakikiisumaro ninda sa gigibuhong hiro-protesta katakod kan nagpapadagos na kariribukan sa lugar na may koneksyon pa man sa isyu nin extradition bill.
Sa report ni Bombo International Correspondent Ricky Sadiosa, sinaysay kaini na apwera sa nasambitan na mga empleyado kan gobyerno, kinakarkulo
na maabot sa 45,000 an bilang kan mga raliyista na masabay sa protesta.
Segun pa saiya na pirang mga pribadong sektor an makikisumaro naman sa nasambitang kaguluhan.
Katakod kaini, liwat suboot nagpatanid an embahada kan Pilipinas sa mga Pinoy na nagtitinir sa Hongkong na dae makisawsaw sa nasambitang
kaguluhan.
