Padagos an matinding pambobomba nin puwersa kan Israel sa Gaza makalihis na magadan an dae mababa sa 63 Palestino sa mga magkakasuhay na pag-atake sa bilog Strip, kaali na an mga kaakian asin mga aid seekers.
Maduon na kinondena kan mga awtoridad sa Gaza an planong pagpapahali kan Israel sa mga medical workers gikan sa Gaza City, sa tahaw kan padagos na opensiba kan militar na obhetong kontrolon an syudad asin man puwersahang palayason an pigkakarkulong sarong milyong tao.
Mientrsatnto, rinibong katao sa manlaen-laeng panig kan kinaban an nagluwas sa tinampo tangani sana magprotesta makalihis opisyal na ideklarar kan sarong United Nations panel an famine (taggutom) sa hilagang parte kan Gaza.
Susog sa UN, ini an resulta kan haloy nang pagkakablockade kan Israel sa mga suplay nin ayuda siring na sana kan pagkakan asin tubig.
Basado sa pinakahuring datos, 62,622 na an nagadan sa Gaza magpuon an gyera, mantang 157,673 an irido.
Sa lado man kan Israel, 1,139 an gadan sa pag-atake kan nakalihis na Oktubre 7, 2023, asin labi sa 200 katao an dinukot asin dinara sa Gaza
