Naga City-Pigsasapinal na kan Department of Health (DOH) an pagbakal nin mga flu vaccines o bakuna laban sa trangkaso.
Sigun sa DOH, posibleng pag-abot nin Agosto maidedeliver na an mga nasambitang bakuna.
Kabilugang limang milyong dose an babakalon kan health department na piglalaomang gagamiton kan mga nakakagurang o senior citizens kan nasyon.
Pag napaluwas na an mga bakuna, pwedeng na soboot ining itao sa mga nagtitios na senior citizen tangani na matawan proteksyon an mga ini kontra sa influenza.
Sigun pa sa DOH, an vaccination program para sa mga senior citizen mapadagos hasta sa huring parte kan 2023.
Marurumdumang enot na nin pigpatanid ni infectious disease expert Dr. Rontgene Solante an posibilidad na paglangkaw kan kaso nin influenza puon ngunyang bulan kaya kaipuhan nang madalion an pagbakal nin mga flu vaccines para sa mga senior citizens.
