Naga City – GADAN an sarong lolo makalihis maligis nin cargo tren kan Philippine National Railways (PNR) sa Sta. Teresita, Baao, Camarines Sur.
Binisto an biktima na si Salvador Pesimo, 87 -anyos.
Sa nakuang impormasyon kan Bombo Radyo Naga, napag-araman na naglalakaw si Pesimo sa nasambitan ng riles kan mag-agi an nasambitan ng tren.
Huli sa kagurangan, maluya na soboot an pagdangog kaini kun kaya dae narisa an pagbusina kan tren hasta sa dagos ining mabudalan.
Huli sa kusog kan pagkakabangga, naputulan nin payo an biktima na nagin rason kan tulos kaining pagkagadan.
Pigsierto man kan manhamiento kan PNR na matao ini nin maninigong tabang sa pamilya kan nasambitang biktima.
