Pinatawan nin 30-aldaw na preventive suspension kan Land Transportation Franchising and Regulatory Board (LTFRB) an bus company na imbwelto sa aksidente sa Zamboanga del Sur.
Sa nasambitan ng insidente, binawin nin buhay an duwang katao asin irido man an dae mababa sa 10 katao.
Sigun sa LTFRB na saindang sinuspendir an operasyon kan Rural Transit Mindanao Inc. (RTMI) mantang isinasagibo an imbestigasyon.
Pigtawan man nin show cause order kan LTFRB an maysadiri kan RTMI na gikan sa Yanson Group Bus Company kun saen pigtalaan an pagdangog sa Hulyo 15 sa LTFRB regional Office sa Pagadian City.
Marurumdumang nahulog sa hararom na parte kan tinampo an bus sa Barangay Mahayag sa bayan kan Dumigag kan nakalihis na Hulyo 10.
Basado sa pahayag kan driver na nawaran ini nin preno kaya nahulog ini sa gilid kan tinampo.
