Nagsagibo nin mga anti-government protest an mga estudyante sa pirang unibersidad sa Iran kan nakalihis na Sabado, an enot na dakualng rally puon kan nakalihis na bulan kan ipautob kan gobyerno an marahas na crackdown sa mga mamamayan.
Sigun sa report, ginatos na mga estudyante sa Sharif University of Technology an nagmartsa mantang pigpupuonan an bagong semestre. Naireport man an kaparehas na hiro-protesta sa siyudad kan Mashad.
An mga nagpoprotesta an nag-alay-pugay sa rinibong binawian nin buhay sa mga nakalihis na nationwide protest na marurumdumang hinarang kan gobyerno.
Kadakol man sa sainda an nangapodan sa pirang mga estudyante na magsagibo nin mga hiro protesta ngunyan na aldaw nin Domingo.
Kasabay kaini, enot nang nagtao nin pahiwatig an Estados Unidos makalihis na mamataan an presensiya kan militar kaini harani sa kadagata kan Iran, asin sinaysay ni U.S. President Donald Trump na preparado ining magsugong military strike.
Marurumdumang haloy nang pinaghihinalaan kan US asin mga European allies na posibleng nagpoporbar na maggibo nin nuclear weapon an Iran, na pwedeng pinahimutikan kan gobyerno kan Iran.
Sa ibong na banda, nakatalaan mang isagibo an sarong meeting sa Switzerland sa Martes kan mga opisyal kan US asin Iran tanganing pag-ulayan an curbing kan nuclear program, sigun ki Trump, maaraman kan kinaban sa laog kan masunod na 10 aldaw kun magkakaigwa nin kasunduan o kung mapautob sinda nin aksiyong militar.
Habang nagkukusog an tensiyon, nagluwas man an mga bakong beripikadong videos kan mga sit-in protest sa Beheshti University asin kan pirang sagupaan sa tahaw kan pro asin anti-government groups sa ibang unibersidad sa Tehran.Dae pa sierto kun igwang mga naarestar sa mga hiro protesta.
Kan nakalihis na Enero, pigreport kan Human Rights Activists News Agency (Hrana) an pagkagadan kan dae mababa sa 6,159 katao, kaibahan an 92 kaakian asin 214 na igwang koneksiyon sa madugong crackdown.
Sigun sa gobyerno kan Iran, labi sa 3,100 katawo an binawian nin buhay, kadaklan man digde an mga security personnel o bystanders.
Sa ibong kaini nangapodan an nagkapirang exiled opposition nin marekas na aksiyon gikan sa Amerika, igwa man mga grupo na nagtututol sa pakikiaram kan ibang nasyon sa Iran.
Piggagamit man soboot kan duwang nasyon an social media tanganing bilugon an saindang mga istorya sa kinaban.
