NAGA CITY– Nanindugan si Camarines Sur 3rd District Representative Gabby Bordado sa saiyang padagos na pagkontra sa extension kan Martial Law sa Mindanao.
Sa entrevista kan Bombo Radyo Naga ki Bordado, sinaysay kaining pwedeng gamiton ni Presidente Rodrigo Duterte an gabos na resources asin pwersa kan nasyon para mapabagsak an mga teroristang grupo na dai na kaipuhan pang magdeklara nin Batas Militar.
Sigon sa kongresista, naglalaom na sa panibagong buhay an mga taga Marawi alagad huli sa pagpapalawig kan Martial Law, garo dai ini naitao kan presidente sa mga tao.
Labi suboot an saiyang tiwala sa pwersa kan gobyerno kun kaya nagtutubod suboot siyang kaya kan militar asin kapulisan na masolusyunan an problema sa nasambitan ng syudad.
