Aamyendaran kan Department of Education an MATATAG curriculum na basado sa magigin eksperyensiya kan mga paratukdo asin mga estudyante.
Katakod kaini, pigsaysay ni Education Secretary Sonny Angara, alagad maski, ipapadagos an paggamit kan curriculum an posibleng baguhon pa an revised study program kun mahilingan nin mga dapat na pakarhayon.
Ikokonsederar soboot an nagkapirang taon na pag-aadal sa curriculum kaya dae ini pwedeng ibasura na sana.
Makua nin mga inputs sa mga paratukdo asin estudyante tanganing maplantsa an mga dapat na pagayunon pa.
Kan taong 2023, piglunsar kan DepEd an MATATAG curriculum tanganing i-decongest an presenteng K-12 curriculum.
Sa irarom kaini, binawasan an numero kan mga kasanayan sa pag-aadal, magin sa pag-pokus sa literacy, numeracy, asin soco-emotional skills puon Kindergarten hasta Grade 10.
