NAGA CITY- Pigsasagibo nin regular an medical mission o an pig-aapod na barangay health day sa lambang barangay kan banwaan nin Ocampo, Camarines Sur. Sigun ki Eula Formalejo, Vice Mayor kan nasambitan ng banwaan, na an sainda ng lado an nagpapasiring sa mga barangay sa saindang banwaan.
Ini nin huli ta enkaso isagibo an libreng serbisyo sa saiyang center sa centro kan banwaan, paulit-ulit na sana an mga nagpapacheck up digdi, mantang an huli sa distansya o kadipisilan sa transportasyon.
An nasambitan naman na mission an nagpupuon nin alas-7 nin pagkaaga.
Kadaklan man sa saindang mga nache-check up’an an mga adult nin huli ta an mga kaakian an nasa eskwelahan.
Katakod kaini, pirang opisyales man kan gobierno sa probinsya an nagpaabot nin mga materyales asin bulong sa saindang center na dakulang katabangan ki Formalejo orog na ta saindang bulsa kaini an mga piggagastos sa nasambitan ng aktibidad.
Apwera pa digdi, nagpadara man an mga opisyales nin mga nurses asin sarong doktor.
