NAGA CITY- Pigsierto kan pamayuhan kan Market Enterprise and Promotions Office sa siyudad nin Naga an seguridad asin kalinigan sa Naga City People’s Mall ngunyan na Semana Santa.
Sa entrevista kan Bombo Radyo Naga ki Nepthali Pabines, Market Supervisor IV kan Market Enterprise and Promotions Office, sinaysay kaini na dae masarado an saindang opisina, igwa soboot nakatalaga na mga personahe na iyo man an mamangno sa Huwebes Santo, Biyernes Santos hasta sa aldaw nin Domingo.
Sigun sa opisyal, yaon an presensiya kan saindang mga gwardiya asin maintenance tanganing masierto na salbado an malinig an merkado publiko orog na sa panahon kan kasiributan.
An sitwasyon na ini an naiintidihan man soboot kan saindang mga personahe na dae pwedeng mag-untok an saindang lado sa paggibo kan saindang mandato.
Pigsierto pa ni Pabines na haloy naman an saindang preparasyon para sa Holy Week kaya sinda an nakaka-asegurar na malilikayan an anupaman na katibaadan.
Apwera digde, padagos man an saindang pag-utob sa saindang responsabilidad na pag ‘duty mo duty’ mo tanganing mas magian an trabaho.
Sa ngunyan, naglalaom na sana an opisyal na magigin matuninong an pag-obserbar sa Semana Santa ngunyan na taong 2025.
