NAGA CITY – Nangapudan ngunian si Presidential Anti-Corruption Commission (PACC) Chairman Dante Jimenez sa publiko asin mga opisyal nin pagkakasararo.
Ini kasabay kan inagurasyon kan bagong pasilidad kan Bicol Medical Center kunsaen presente an nagkapirang mga karalangkaw na opisyal kan gobyerno.
Sa nagin patara-tara ni Jimenez, sinaysay kaini na mas marhay na lingawan na an mga problema kan nakaagi asin ipagpadagos na an magayon na ‘development’ para sa nasambitan ng ospital.
Sa ibong na lado, liwat man na tinawan duon ni CamSur 3rd District Rep. Gabby Bordado na naglalaom siya na dagos nang maipapasar sa Senado an Bill na nagdudugang sa bed capacity kan BMC puon sa 500 hasta sa 1000 beds.
An nasambitan ng bill an enot nang naipasar sa ikatolo asin huring pagbasa asin kaipuhan na maipasar muna sa Senado antes makadiretso sa Office of the President para sa huring pirma ni Presidente Rodrigo Duterte.
Katakodd kaini, naglalaom an kongresista na susuportahan siya kan mga senador sa nasambitan ng propwestong ley.
