Pigpahayag kan Department of Justice (DOJ) na laoman na madudungangan pa an mga kasong isusunad kontra sa pigsibak na alkalde kan Bamban na si Alice Guo.
Sigun ki DOJ Spokesperson Assistant Secretary Mico Clavano, kadakol pang kasong igwang kinaaraman sa money laundering na isusunad kontra ki Guo.
Nagtutubod si Clavano na ‘tip of the iceberg’ pa sana ini sa mga nangyayaring iregularidad.
Sa ngunyan, nahahampang si Guo sa reklamong graft and corruption sa Office of the Ombudsman rason tanganing masibak ini sa pwesto komo alkalde.
Igwa man nin reklamong qualified human trafficking, tax evasion, asin money laundering na nakasunad sa dating alkalde asin igwang kaso man si Guo sa Commission on Elections (COMELEC) huli sa material misrepresentation.
Apwera pa ini sa kinakahampang na quo warranto petition gikan sa Office of the Solicitor General huli sa kuwestyunableng citizenship.
