Pigtuyaw kan mga lider kan Kamara de Representantes si Vice President Sara Duterte sa pahayag na sisimbagan kaini sa impeachment proceedings an mga alegasyon laban sa saiya.
Kun mayo soboot kasalan si Duterte na dae dapat na mamili nin venue tangani simbagon an mga alegasyon sa saiya kabali na an iregularidad soboot sa paggamit kaini nin confidential funds.
Pigpunto ninda House Assistant Majority Leaders Jay Khonghun (Zambales, 1st District) asin Jude Acidre (Tingog Party-list) na nagkakanigo man na mag atubang si Duterte sa imbestigasyon kan National Bureau of Investigation (NBI) katakod kan pagbabanta kaini sa buhay ni Presidente Ferdinand Marcos Jr.
Sinabi ni Acidre na ipino-potray ni Duterte na siya soboot untouchable asin nakakalangkaw sa mekanismo kan paninimbagan. Pigkuwestyon pa man ni Deputy Majority Leader asin La Union 1st District Rep. Francisco Paolo Ortega V an sinseridad ni Duterte sa sinabi kaini na ma-atubang sa impeachment.
Pig kuwestyon kan mga kongresista an paggamit nin confidential fund ni Duterte siring kan sobrang mahal na binayadan sa mga safe house asin nag-ako nin confidential funds na mayong rekord sa Philippine Statistics Authority (PSA).
Kabali ini sa mga reklamo na laog kan duwang impeachment complaint na pigsunad laban ki Duterte sa Kamara de Representantes.
Nagkakantidad nin P612.5 milyon an confidential fund na ginastos ni Duterte sa iraraom kan Office of the Vice President asin Department of Education gikan sa Disyembre 2022 hasta sa ikatulong quarter kan 2023.
