Pigtawan-linaw kan Department of Justice na mayo pang kumpirmasyon an ahensiya kun totoong mga buto kan tawo an narekober sa parte kan Taal Lake.
Sigun mismo ki Justice Assistant Secretary asin Spokesperson Mico Clavano, posibleng bakong buto kan tawo an laog kan mga sakong nakua asin narekober kan Philippine National Police asin Philippine Coast Guard.
Kasunod ini kan ilusar kan nasambitan ng ahensiya an pagsasagibo kan ‘search and retrieval operations’ sa Taal lake tanganing mahanap an soboot lawas kan mga nawawarang sabungero.
Dugang pa kan nasambitan ng tagapagtaram, piglilikayan kan Department of Justice na langkawan an ‘expectation’ kaini huli man ta dae lubusang sierto kun ano an laog kan mga sakong nakua.
Alagad naglalaom man an ahensiya na piggigibo kan Philippine Coast Guard an gabos kan saindang makakaya para sa operasyong pigpuonan mapadapit sa kaso kan mga nawawarang sabungero.
Marurumduman na isinagibo an pagsisid sa parte kan Taal Lake makalihis na isiwalat kan sarong testigo na digde soboot inapon an mga nawawarang sabungero.
Partikularmente ki alyas ‘Totoy’ o Julie ‘Dondon’ Patidongan, pigbuyagyag kaini kasuarin na an mga biktima an piglubong sa nasambitan ng lokasyon o lawa.
Kaya man ipigheras ni Justice Spokesperson Mico Clavano na an narekober na mga sako sa Taal Lake an planong isairarom na sa pagsusuri.
Kun saen ipinadara na kan ahensiya an mga personahes kan National Bureau of Investigation asin mga piskal tanganing gibuhong ‘witness’ sa isinagibong search and retrieval operation.
Mantang mayo pang kumpirmasyon kun buto kan tawo baya an laog ka mga narekober na sako, ipigheras ni Justice Spokesperson Clavano na posibleng abuton nin saro hasta duwang aldaw pa antes matukoy ini sa isasagibong forensic examination.
