Mabisita sa Pilipinas an mga nuclear energy expert gikan sa France sa masundo na semana.
Matinir sinda sa nasyon pUon Nobyembre 12 hasta 15 tanganing magpartisipar sa Philippine International Nuclear Supply Chain Forum na pig-organisar kan Department of Energy (DOE).
An French team pigbibilog kan mga representante gikan sa pinakadakulang mga kompanya kan produksyon nin kuryente sa Europa, darakulang nuclear research technology, asin mga representante kan akademya.
Magigin parte man digdi an French National Agency for Radioactive Waste Management (ANDRA).
Nakatalaan na ipresenta kan nasambitan ng team an mga teknolohiyang ginagamit kan France, tanganing magserbing basehan kan Philippine government sa plano kaini na maglaog sa nuclear energy.
An France naggagamit nin 72% nuclear mix sa elektrisidad kaini.
Kun saen, ini an pinakadakula sa kinaban.
