Nagpahayag nin kahaditan an mga parasisira kan Venezuela huli sa sunod-sunod na pag-atake kan US sa mga barko na igwang darang iligal na droga.
Puon pa kan nakalihis na bulan igwang anom na operasyon na pigsagibo an US kun saen tinamaan sa saindang airstrike an mga bangka na igwang darang droga.
Mapakol na sa 27 katawo an binawian nin buhay na lunad kan nasambitan na mga bangka.
Marurumduman, nagsagibo nin pagpatrolya an US forces sa Caribean Sea komo parte kan military operation na target an mga “narco-terrorist” na konektado ki Venezuelan President Nicolas Maduro.
Advertisement
Mas orog pang nagin matindi an tensiyon sa US asin Venezuela makalihis magpatanid si US President Donald Trump na ikinokonsiderar kaining magsagibo nin pag-atake sa Venezuela.
Advertisement
