Aram baya nindo mga ka-bombo, an misteryosong liwanag na nanutaran sa kalangitan sa Sirangan na parte kan Estados Unidos an pinagtutubudan kan iba na mga alien.
Sigun sa mga nakahiling, an bola kan liwanag an nahiling man sa kalangitan kan New Jersey, Pennsylvania asin Connecticut, siringman sa solnopan na parte kan Ohio.
Katakod digde, an mga ladawan asin videos kan nasambitan ng liwanag nakaguno nin manlaen-laen na espekulasyon online kun saen sinasabi kan iba na ini an unidentified flying object.
An iba man sinasabi na an liwanag an gikan sa piglunsar na Launch Alliance’s Vulcan Centaur rocket kan Estados Unidos kan kaparehas man na aldaw pasado alas 9 nin bangi.
An rocket na ini an igwang bitbit na experimental navigation satellite sa orbit para sa U.S. military.
Mientrastanto, an panduwa man na rocket an piglunsar sa kaparehas na oras asin aldaw sa Africa.
