NAGA CITY- Plano ngunian kan Bureau of Fisheries and Aquatic Resources (BFAR) na magpadakol nin mga mosquitofish o isdang kanal para maipanao sa nagkapirang LGU’s na may mga kaso nin dengue.
Sa entrevista kan Bombo Radyo Naga ki Nonie Enolva, tagapagtaram kan BFAR-Bicol, sinaysay kaini na obheto kan nasambitan ng aktibidad na matawan nin suplay an mga LGU nganeng makatabang sa pagsugpo kan mga namok na nagdadara nin dengue.
Sa ngunian kaya sigon ki Enolva, limitado pa an bilang kan mga sirang ini na makukua sa Regional Fisheries Freshwater Center (RFFC) sa Bula, Camarines Sur.
An isdang kanal o mosquitofish an pigsasabing sarong alternatibong pangontra sa dengue kunsaen premer na pagkakan an mga kiti-kiti.
Apwera digdi, kaya man soboot na mabuhay kan nasambitan ng mga sira maski sa mga naka stock ng tubig.
Dugang pa ni Enolva madali mag dakol an nasambitan ng sira asin igwa ini nin kakayahan na magkaon nin haros 100 kiti-kiti sa sarong aldaw.
