Naghiras an alkalde kan cuidad nin Naga na an painot na resulta nin pag-aadal kan Department Of Science and Technology – Philippine Institute Of Volcanology and Seismology (DOST-Philvocs) manungod sa kondisyon kan kadagaan sa cuidad asin an mga posibleng epekto kaini sakaling magkaigwa ning makusog na paglinog.
Sa paghampang sa mga kagawad kan media ni Naga City Mayor Leni Robredo nagluwas sa inisyal na pag-analisar kan Philvocs na may nagkapirang parte kan Naga City na posibleng maging prone sa “Liquefaction” o an pagproseso kun sain mawawara an pusog asin kapasidad kan daga na suportahan an mga istraktura kun ini makaranas nin makusog na paglindol.
Ipig-isplikar kan ni Robredo na importanteng pag-andaman an arog kaining posibilidad tanganing mabawasan an peligro sa mga residente, gusali, asin iba pang istraktura sa cuidad. Maski dae pa ini pinal na resulta, sinasabi niyang dapat ng magsagibo nin mga lakbang an pamahalaang lunsod mantang naghahalat nin kumpletong pag-analisar nin mga siyantipiko tanganing mas malinaw na madeterminar an mga lugar na posibleng magkaigwa nin arog kaining peligro.
Huli digdi, ipinaisi ni Robredo an mga planong lakbang tanganing mapakusog an seguridad asin katatagan kan mga edificio sa cuidad. Kabali digdi an pagpaotub nin mas tultol na panundon sa pagtindog nin mga istraktura asin an kaseguradohan na an mga edificio an nagtutubod sa mga kinakaipohan na safety requirements.
Segun sa alkalde, importanteng matapos an final draft kan Local Building Code kan Naga City ta nganing magkaigwa nin mas malinaw na giya sa pagplano, disenyo, asin pagpapatindog nin mga edificio. An katuyohan kaini iyo an masierto na an mga bagong imprastraktura an magiging mas mapusog asin handa sa manlaen-laen na klase kan kalamidad.
Bako lang lindol an tinututukan kan lokal na gobyerno sagkod na an iba pang mga pilegro arog kan bagyo asin pagbaha na kadalasan na naeeksperyensiyahan kan rehiyon.
Tinawan-duon ni Robredo an an paghahanda sa kalamidad an nangangaipohan nin amay o kaskas na aksyon asin pakikipagtabangan kan pamahalaan, mga eksperto, pribadong sektor, asin mga mamamayan tanganing mapatinir na ligtas an boung komunidad.
Sa padagos na pag-aadal kan Philvocs asin mga lakdang na pagpapalakop kan lokal na gobyerno, obheto kan Naga City na maging mas handa asin matatag laban sa ano man na sakuna sa maabot na panahon.
