Pigsaysay kan nagkapirang mga Pilipino sa Lebanon na nadidipisilan soboot sinda na mag puli sa nasyon huli sa saindang mga amo, mantang an iba man nadidipisilan na magkua nin exit clearance.
Kabale digdi an 22 na Pilipino na kadaklan mga domestic helper na nawot ma-i-repatriate.
Segun ki Atty. Si Ace Millar, pamayo kan OWWA Repatriation Assistance Division, presenteng pigg-aareglo na ngunyan an mga exit visa kan mga OFWs asin sa ngonian igwa sinda nin 178 Pilipino sa saindang shelter.
Enot nang pig-report na naghahanap nin paagi an embahada kan Pilipinas sa Lebanon tanganing masalbar an mga Pilipino sa lugar na apektado kan nagdadakulang tensyon sa Lebanon.
Dai mababa sa 86 na mga Pilipino an nakapuli na asin padagos pa man an pangapudan kan gobyerno sa mga Pilipino sa Lebanon na samantalahon an oportunidad asi magpa-repatriate na mantang bukas pa an mga airports.
