Kinumpirmar kan National Police Commission (NAPOLCOM) na igwang mga nag-match sa mga pulis na naenot na pigsunadan nin reklamo na igwa soboot nin kaaraman sa kaso kan missing sabungeros sa panibagong reklamong pigsunad kan tulong bagong personalidad na iyong pigkonektar man sa war-on-drugs kan nakalihis na administrasyon.
Sa nagin pulong balitaan sa opisina kan NAPOLCOM na iyong pinangenutan ni NAPOLCOM Commissioner Vice Chairperson and Executive Officer Atty. Rafael Vicente Calinisan, siniyasat asin man kinumpirmar mismo kan komisyon an apat na pangarang nahihiling na nag-match sa mga dokumento sa magkaibang reklamo.
Sigun ki Calinisan, apat ang mga naglataw na pangaran na iyong pighihiling na posibleng imbwelto sa kaso kan missing sabungeros asin man magin kan kampaniya kontra droga kan nakalihis na administrasyon Duterte.
Mientrastanto an apat na pulis an bistado man komo sinda, PLtCol. Ryan Jay Orapa, PMaj. MArk Philip Almedilla, PSMS. Mark Anthony Marinque, asin PSSgt. Edmon Munoz na pararehas mga kabali sa 12 pulis na naenot nang pinatawan nin preventive suspension kan komisyon.
An nagin paglataw man kan tulong bagong complainant na ini an nangangahulugan sana na igwang bastante na patunay na igwa talagang koneksyon an kaso kan mga nawawarang sabungero asin man an mga nagin paggadan sa war-on-drugs kan nakalihis na liderato.
Sa presente, isasairarom sa sarong hararom na imbestigasyon an mga complaints na ini tangani man masiguro an koneksyon kan apat na pulis na pinagtutubudan sa ngunyan na imbwelto sa parehong pangyayari.
Apat na pulis man an dae pa pinapangaranan sa ngunyan an presenteng pigsisirip na man kan NAPOLCOM na posibleng may kinaraman asin man partisipasyon sa kaso kan nasambitan ng mga nawawarang sabungero.
