Piglinaw kan National Economic and Development Authority na mayong dakulang epekto sa gobyero kan Pilipinas an nagin kasuguan ni US President Donald Trummp na paramientras na punduhon an paghahatod nin tabang sa paagi kan United States Agency for International Development (USAID).
Ginibo ni NEDA Undersecretary Rosemarie Edillon an pahayag sa nangyaring pulong balitaan kasuodma, Pebrero 12.
Sigun ki Edillon, daeng gayong maapektaran an nasyon huli na man sa darakulang pagbabago kaini.
Bakong siring kan dati na kaipuhan magdepende kan Pilipinas sa tabang gikan sa ibang darakulang nasyon.
Soboot, kaito nakadepende man an Pilipinas sa USAID para sa pagpapatindog kan mga dugang na eskwelahan sa Pilipinas.
Sa ibong kan pagsasairarom kan USAID sa 90-aldaw na revew, mayong patid an pag-alalay kan USAID staff sa nasyon.
Kun marurumduman, nagin epektibo an 90-days review para sa nasambitan ng programa makalihis na magluwas an US State Department kan “stop-work” order kan nakalihis na Enero 24.
Ini an kasunod na man sa nagin direktiba ni US President Donald Trump.
