NAGA CITY- Mapakol sa labi 6,000 na behikulo an nadakop kan Land Transportation Office sa premirong labi limang aldaw sa bulan nin Hunyo kasabay kan pagpapaigting kan ahensya sa pagpapautob kan ‘No Registration, No Travel Policy’ sa nasyon.
Sigun ki Land Transportation Office Chief Assistant Secretary Atty. Vigor Mendoza, padagos an saindang pigsasagibong operasyon tanganing magsirbi man na pagirumdom sa mga motorista na iparehistro an saindang mga behikulo.
Binalaan man kaini an mga ini na posible sindang pamultahon asin posibleng maimpound an saindang behikulo enkaso madakop sinda. Basado sa datos kan ahensya, puon Hunyo 1-15, 2024 an nasa 6,064 na soboot an saindang nadadakop, nasa 5,470 an natawan ninda nin violation tickets mantang nasa 981 man digdi an nahila o na-impound.
Sa ngunyan, padagos an mahigot na pagpapautob kan LTO sa nasambitan ng polisiya tanganing masierto an kasalbadohan kan gabos kan mga nagmamaneho nin behikulo asin tanganing malikayan an anuman na aberya sa tinampo.
