Nilinig kan duwang tauhan ni North Korean leader Kim Jong Un an silid makalihis man an labi sa duwang oras na pag-uulay ki Russian President Vladimir Putin sa Beijing susog sa Kremlin local news.
Apwera digde, nilinig man soboot an tukawan na ginamit ni Kim magpuon sa sandalan hasta sa armrest kan tukawan pati na man an lamesa asin basong ininuman kaini.
Tulos man na pighali an ano man na bagay na pwedeng magwalat nin bakas kan saiyang presensya sa nasambitan ng silid.
Susog sa mga intelligence report gikan sa Japan asin man South Korea, dara man ni Kim an sadiri kaining palikuran sa tren tangani malikayan an pagkolektar nin impormasyon dapit sa saiyang salud.
An siring na mga lakdang an haloy nang parte kan seguridad ni Kim, magin kan nakalihis na panahon kan saiyang ama na si Kim Jong Il.
Obheto kaining ulangan an sisay man na makakua kan biological sample na pwedeng magbuyagyag kan sensitibong impormasyon sa sarong lider kan nasyon.
Napagraman kan mga nakalihis na biyahe ni Kim sa ibang nasyon, pirang utro na man ining nanutarang pinapalinig muna an mga gamit antes man ini tukawan o kaya hiruon.
