Pigbatikos ni Filipino-American singer Olivia Rodrigo an administrasyon ni US President Donald Trump huli sa paggamit kan saiyang kanta.
Ginamit soboot kan Department of Homeland Security (DHS) an kanta kaining “All-American Bitch” sa pigpaluwas na videoclip kan ahensiya sa saindang websites.
Mahihiling sa video an mga immigrants na pigkukulong kan Immigration and Customs Enforcement (ICE) agents.
Pigsaysay kan singer na dapat dae ninda gamiton an saiyang kanta para sa promosyon kan racist asin hateful propaganda.
Alagad maski pigpura na kan singer an komento kaini, kadakol pa man giraray an nag-screenshots.
Makalihis an komento ni Rodrigo, pighalu na kan Department of Homeland Security an kanta sa saindang social media.
Marurumduman, bako sana ini an enot na pagkakataon na naggamit an administrasyon ni Trump nin mga kanta kan nagkapirang singer na mayong paaram huli ta ini an pigreklamo na kan nagkapirang mga singers siring ninda Beyonce, Jess Glynee asin The Rolling Stones.
