Pinatanidan ni House Senior Deputy Minority Leader at Caloocan City Rep. Edgar Erice an publiko dapit sa bilyun-bilyong pisong unprogrammed appropriations na nakapalaog sa prosopwestong 2026 national budget.
Sigun sa saiya, igwang haros P243 bilyon na unprogrammed funds na pwedeng gastuson nin mayong malinaw na pinagkukuanan nin kita, bagay na inapod kaining balgar sa Konstitusyon.
Nagpatanid si Erice na kun dae ini ibe-veto ni President Ferdinand “Bongbong” Marcos Jr., masunad ini nin petisyon sa Korte Suprema tanganing kwestiyunon an legalidad kan mga nasambitan ng probisyon.
Nakatalaang pirmahan kan Presidente ngunyan, Enero 5, 2026 an P6.793 trilyong pambansang pondo na pinakadakula sa historya kan nasyon.
Mientrastanto, sigun sa People’s Budget Coalition, igwang pigkakarkulong P633 bilyon na pork items sa badyet na posibleng magamit sa patronage politics asin katiwalian.
Huli ta dae naihabol an pagpirma antes matapos an 2025, nagkaigwa nin reenacted budget sa mga enot ng aldaw kan 2026 mantang pighahalat an pirma kan Presidente.
Sa ibong kan mga patanid, pighurot kan administrasyon na an bagong pondo an matao nin suporta sa imprastraktura, serbisyong panlipunan, asin mga programang pang-kauswagan para sa mamamayan.
