Iginiit ni Senador Christopher “Bong” Go na bakong makatanusan na ipasa sa mga konsumidor an bayad sa system loss, kun sain an sarong pamilya na nagbabayad nin P4,000 kada bulan sa kuryente nagkakawara tulos nin poco mas o menos P200 kada bulan para sa enerhiyang dae man ninda napapakinabangan.
Tinawan-duon kan senador na an kawaran nin kuryente huli sa pilferage o nakaw na kuryente responsibilidad kan mga distribution utility na pugulan, asin bakong kan mga matanos na namamanwaan na regular na nagbabayad kan saindang billing statement.
Segun pa ki Go, dakol sa mga kahimanwa an daing kaaraman na nakalaog sa saindang bulanang bill an charge para sa system loss, na inapod niyang sarong napaka-unfair na patakaran orog na sa tahaw kan pagpapasakit kan halangkaw na presyo nin bilihon.
Ipinunto kan mambabatas na an nasabing problema dapat solusyunan kan mga kumpanya nin kuryente sa paagi kan pagpakusog kan saindang seguridad asin operasyon laban sa mga illegal connection imbes na isarig an lugi sa tawo.
Nagpromesa an senador na isusulong an angkop na pagrepaso sa mga presenteng patakaran tanganing masiguro na an lambang piso asin sentimong pinagpapagalan kan mga konsumidor mapapduman sana sa totoong kuryenteng saindang nagamit.
