Nagsunad si Senate Committee on Basic Education Chairman Senador Sherwin Gatchalian nin propwetong ley tanganing bawasan nin sarong taon an pag-aadal kan mga estudyante sa kolehiyo.
Puon sa apat na taon, mawot ni Gatchalian na gibuhon na sana ini nin tulong taon.
Paliwanag kan Senador, paglaog kan estudyante sa kolehiyo major subject na tulos an aadalan kaini mantang ilalaag man sa Senior High School (SHS) an mga general subjects.
Dugang pa ni Gatchalian, an siring na sistema pigpapautob na sa manlain-lain na lado kan nasyon siring kan United Kingdom, Canada, asin Australia.
Obheto kan pagbabawas nin taon sa kolehiyo an tanganing malikayan an pag-uutro kan mga courses asin makapagpokus an mga aki sa saindang specialization.
Dapat man sigun igdi na iprayoridad an pagtutukdo kan mga soft skills sa mga estudyante sa Senior High School, kaiba an critical thinking, communication, problem solving, socio-emotional skills, creativity, asin collaboration.
