NAGA CITY – Pig-aprubaran na sa ikatolo asin huring pagbasa an Comprehensive Reading Ordinance sa syudad nin Naga.
Sa nagin paghampang sa mga kagawad kan media ni Naga City Councilor Lito del Rosario, sinaysay kaini na labi ining nagpapasalamat Sangguniang Panlungsod kan Naga makalihis an pag-aprubar sa nasambitan ng ordinansa.
Obheto man kaini an mas orog na mapaangat an literacy kan lambang estudyante sa syudad sa paglalapigot man kan Department of Education Naga.
Apwera pa digdi pig-aprubaran naman an saindang proponidong ordinansa para sa pag regulate kan paggamit nin cellphone sa mga elementary asin highschool public and private sa syudad.
An obheto man kaini an bawasan an labing paggamit kan mga aki kan saindang mga cellphone dawa sa oras kan saindang klase asin baku na ining konektado sa saindang mga lessons.
Dugang pa ni del Rosario an magigin implementasyon kaini an igwa nin close partnership sa DepEd Naga, nagkaigwa naman sinda nin konsultasyon sa mga PTA presidents, mga presidente asin officers kan Supreme Student Government asin iba pang mga opisyal kan mga pampribadong eskwelahan.
Uyon man soboot ini sa implementasyon kan nasambitan ng ordinansa alagad nangangaipuhan sana nin malinaw na guidelines para digdi.
