Piglinaw kan Philippine Health Insurance Corporation (PhilHealth) na an mga claim dapit sa paghali kan coverage para sa mga indirect contributor an talagang maikokonsederar na misguided asin misinformed.
Pigsierto kan ahensiya na padagos na marereseber kan mga benepisyaryo an saindang mga benepisyo.
Pigpahayag kan PhilHealth an saindang hararom na pagkahadit sa mga mapanlinlang na pahayag na ginibo kan Medical Action Group dapit sa sobootpaghali kan Department of Budget and Management (DBM) kan PhilHealth coverage para sa 30 milyong benepisyaryo, kabali na an mga miyembro kan 4Ps, senior citizens, persons with disabilities (PWDs), asin an saindang mga dependent para sa taong 2024.
Pigtawan duon pa kan PhilHealth na gabos kan Pilipino, komo otomatikong miyembro kan National Health Insurance Program, an ginagarantiyahan nin tols na pagigin kwalipikado para sa mga benepisyo kan health insurance sa tuyong nangangaipuhan sinda nin medikal na pagbulong saen man na accredited na pasilidad kan salud.
