Pighurot kan mga abogadong nagsunad nin petisyon sa kataastaasang hukuman o Korte Suprema na dae soboot pwedeng magadagos an ‘impeachment trial’ laban ki Vice President Sara Duterte sa malaog na 20th congress.
Ini mismo an mahigot na inihayag kan mga nasambitan ng abogado sa pangengenot ni Atty. Israelito Torreon kan mahapot kun ano an nakapalaog sa saindang isinumiteng petisyon.
Dae pwede na mag’cross over’ an proseso kan paglilitis sa masunod na kongreso huli man sa sinusunod soboot na ‘legislative discontinuity’. Buot sabihon, na an gabos kan mga nakabinbing proceedings sa kongreso an matinir siring kan mga urulay kan impeachment.
Si Atty. Israelito Torreon, kaiba an pira pang mga abogado an nagsunad nin panibago asin dugang na petisyon sa Korte Suprema tangani pugulan an ‘impeachment’ kontra sa Bise Presidente kan nasyon.
Saindang isinumiter an ‘supplemental petition’ asin inilahad an tulong punto kan pagbalgar sa konstitusyon dapit sa pagpapadagos kan impeachment trial.
Dugang pa kan nasambitan ng abogado, an pagtawid kan urulay ‘impeachment’ sa panibagong kongreso an pagbayolar man sa kun ano an nakabugtak sa panundunan kan Senado.
Kun saen saiyang pigtawan duon an nakapalaog sa Article 44, Section 123 kan Senate Rules an ‘termination’ sa gabos kan nakabinbing proceedings sa pagtatapos kan 19th congress.
Pigheras man ni Atty. Israelito Torreon na mayo pa soboot na nangyayari na pagtawid kan sarong nakabinbing proceedings kan sarong kongreso sa paglaog kan panibago.
Hurot kaya kaini na an panibagong ‘pending matters’ an terminated siring kan urulay ‘impeachment’ enkaso ini an idadagos gikan sa 19th congress pasiring sa paglaog kan 20th congress.
