NAGA CITY- Pinag-aadalan kan Department of Agriculture an pagpapakusog sa production asin marketing kan bawang sa bilog na nasyon.
Sigun ki DA Undersecretary Cheryl Marie Natividad-Caballero, dakula an potensyal kan garlic production sa Pilipinas. Inihalimbawa ni Caballero an Ilocos garlic na soboot mawot kan ibang mga nasyon, sa ibong kan sararadit na size kaini.
Sigun sa DA official, naggigibo na nin kaukulang programa an DA tanganing masuportaran asin mapreserba an garlic heritage kan Ilocos na dati mang pig-aapod komo ‘Ilocos white gold’.
Basado sa datos kan Philippine Statistics Authority(PSA), an garlic production kan nasyon an 2.6% sana kan taunang demand na 146,879 metriko tonelada kun saen an mga probinsya kan Ilocos Norte, Nueva Ecija, asin Batanes an pangenot na prodyuser.
Sigun ki Caballero, pinagsugo na ni Agriculture Sec. Francisco Tiu Laurel Jr. an regional offices kan DA sa Northern Luzon, orog na sa Cagayan Valley tanganing magbakal nin kadakol na planting materials kan Ilocos garlic asin itanom an mga ini sa bulan nin Setyembre.
Target soboot kan DA na mapalangkaw an production kan bawang sa bilog na nasyon asin maabot an maski 20% na domestic production hasta sa masunod na taon.
