Pangengenutan ni Baguio City Mayor Benjamin Magalong sa saindang syudad an pagpapautob nin blockchain technolog tangani pakusugun an transparency asin accountability.
An blockchain an sarong klase kan teknolohiya sa pag-iimbak asin man pagheheras nin impormasyon na salbado, transparent, asin dae madaling baguhon.
Sa paagi man kaini, mas mapapakusog an koneksyon asin pagtatarabangan kan Ehekutibo, Lehislatura, civil society organizations asin iba pang sektor na may importanteng papel sa pagpapararom kan demokrasya.
Sigun ki Magalong, nagkaigwa na sinda nin kasunduan kan sarong tech company tangani maipautob ini.
Pigpreparar na man kaya ninda an mga kinakaipuhan dokumento asin records na ibubugtak sa blockchain.
Sinaysay man ni Department of Information and Communications Technology Secretary Henry Aguda na pwede nang puonan an pagpapautob kan blockchain technology dawa na mayo pang naipapasang ley.
Alagad kaipuhan nin ley tangani na magin permanente ini asin kun enkaso man na magribay nin adminsitrasyon dagos-dagos nang nakatala an mga datos sa blockchain.
Pigtawang-duon ni Senador Bam Aquino na oras na tangani gibuhong mas malinaw, madaling ma-access, asin man mas madaling maintindihan kan taumbayan an proseso kan pambansang budget.
Ipinaliwanag kan senador na sa paagi kan blockchain, mahihiling kan publiko an gabos nin mga importantng detalye kan budget siring na sana kan bidding, awarding, disbursement kan pondo, pati na man an mga kontrata asin bill of materials.
Pwede man na maibali an listahan kan mga bidders tangani masierto an ganap na paninimbagan.
