Nakisumaro si Presidente Ferdinand R. Marcos Jr. sa pagselebrar kan Semana Santa, pig-enkaminar kaini an mga Pilipino na pagnilayan an pasyon, kagadanan, asin liwat na pagkabuhay ni Kristo.
Pig-enkaminar kan Presidente an mga debotong Katoliko kan katatagan sa paghampang sa mga huma sa buhay na nagpapagiromdom sa publiko na an pagsakit an pwedeng maghubog sa sainda na mas maintindihan asin mapagkawanggawang mga indibidwal.
Nangapodan si Presidente Marcos sa mga Pilipino na makahanap nin panibagong kusog sa piling kan pamilya asin mga mahal sa buhay, asin magtinir na dedikado sa pagserbi sa mga labi na nangangaipuhan.
Pigbati kan Presidente an gabos na mga katolikong Filipino nin sarong makabuluhan asin mapagpalang Semana Santa.
Ngunyan na aldaw pigseselebrar an Palm Sunday o Domingo nin Palaspas hudyat kan pagpuon kan Holy Week.
An Palm Sunsay an sarong aldaw na nagpapagiromdom ki Jesucristo na nakasakay sa sarong asno kan maglaog ini sa Jerusalem kun saen pigsabat ini kan mga tawo na nagkakaway kan mga sama nin palma, na boot sabihon trayumpo asin katoninongan.
Para sa kadakol, an Domingo nin Palaspas an labi pa sa sarong liturhikal na kaganapan alagad sarong masiglang timpla kan pananampalataya, kultura, asin okasyon kan pamilya.
Ini an panahon kun saen an sambayanang Pilipino an nagtitiripon tanganing ipahayag an saindang pananampalataya.
