Iprinesinta na kan Pentagon ki US President Donald Trump an mga options na target sa Iran.Kaibahan na digde an pagtarget sa nuclear program asin ballistic missile sites kan Iran.
Pira sa mga pigkokonsiderar ninda mga option man ngunyan iyo an cyberattack o pag-atake kontra sa domestic apparatus kan Iran.
Pigpepreparar na man kan US Navy an saindang tolong missiel firing destroyers sa Middle East region kaibahan na man an sarong missile-firing submarine.
Enot digde, pina-ebakwar na kan US an saindang mga personnel na nakatalaga sa Al Udeid Air Base sa Qatar komo pagpepreparar enkaso magbalos an Iran.
Marurumdumang nagmatagas si US President Donald Trump na mapipiritan na ining makiaram sa kariribokan sa Iran makalihis an pagkagadan kan pirang ribong protesters.
Dae man natinag digde an Iran kun saen pigpreparar na man ninda an saindang mga soldados.
