Suportado kan Pilipinas an two-state solution na parehong kapaki-pakinabang para sa Israel asin Palestine.
An pahayag na ini ginibo ni Palace Press Officer Usec Claire Castro, kasunod kan pahayag kan Palestinian Ambassador sa Pilipinas na si Mounir Anastas na panahon na para mag-apply nin pressure an Pilipinas sa Israel tanganing maresolberan an humanitarian crisis sa Gaza.
Sa sarong press briefing sa Malacañang, sinaysay ni Usec Castro na nakikisumaro an Pilipinas sa bilog na kinaban sa pag-apod para sa matuninong na pag-iribahan kan Palestine asin Israel, asin pagbisto sa kaparehong borders kan lambang saro.
Sinaysay kaini na suportado man kan nasyon an sarong panghaloyan asin komprehensibong katoninongan sa Middle East, sosog sa UN Charter asin mga nanonongdan na resolusyon kan UN Security Council.
Huli digdi, padagos soboot an pangapodan kan administrasyon na masierto na mayong mahadlang na asistensya para sa mga namamanwaan kan Palestina.
Katakod man sa pangapodan kan embahador na an nasyon mag-aplay nin pressure sa Israel, mas angkop soboot na maggikan an kasimbagan kan nasyon gikan sa Department of Foreign Affairs (DFA).
