Harani nang magkaigwa nin panibagong trade deal an Pilipinas asin Amerika, sigun ki U.S. President Donald Trump.
Marurumduman, nagpasiring sa White House si Presidente Bongbong Marcos Jr., tanganing pag-ulayan an kalakalan sa pag-ultanan kan duwang nasyon.
Enot na pinatawan ni Trump nin 20% tariff an gabos kan produktong pinoy na piglalaog sa Amerika.
Sigun ki Trump, marhay an kalakalan sa pag-ultanan kan Pilipinas asin Amerika asin orog ining madakula sa irarom kan panibagong kasunduan.
Mientrastanto, si Presidente Marcos, Jr. an enot na Southeast Asian leader na makadaupang palad si US President Trump sa saiyang ikaduwang termino.
Sa ngunyan, enot naman na nakipag-ulay si Trump sa duwang regional partners kan nasyon an Vietnam asin Indonesia, alagad nagpapadagos pa an pakikipag-ulay sa ibang mga nasyon dapit sa pagpataw nin taripa.
