Aram baya nindo mga ka-bombo, sarong Colombian dairy company an nagselebrar kan saindang ika- 80th anniversary sa paagi kan pagtipon nin nasa 1,185 katawo tanganing magpartisipar sa world’s largest cheese tasting event.
Pigkumpirmar kan Guinness World Records na nakua kan Alpina Productos Alimenticios an titulo para sa pinakadakulang cheese tasting event sa bilog kinaban na igwang nasa 1,185 katawo tanganing namitan an mga sample na dairy delicacies sa Sopó, Cundinamarca.
Huli kaini, nawara sa kamot kan Kangaroo Valley Agricultural & Horticultural Association sa Australia an nasambitan ng record na kun saen igwa sanang 1,000 katawo para sa cheese tasting kan taong 2019.
Mientrastanto, igwang piglatag na panundon an Guinness World Records kun saen an gabos na partisipantes sa nasambitan ng aktibidad an magpurbar kan tolong manlaen-laen na klase kan cheese.
Katakod kaini, an pinili na chees sa event iyo an Gruyere, Sopó asin Argovia.
Sa ngunyan, pigbati na sana kan Guinness World Records an nasambitan ng kompanya para sa sarong matrayumpo asin makasaysayan na aktibidad.
