Pigkumpirmar kan Department of Foreign Affairs (DFA) kasuodma, Hulyo 28, 2025 na sarong Pilipinong seaferer an hinatulan nin 18 taong pagkakakulong sa Ireland huli sa soboot pagkaka-imbwelto sa smuggling kan dakulang kantindad nin cocaine kan nakalihis na taong-2023.
Sigun sa report, an nasambitan ng Pilipino asin pito pang indibidwal an nahatulan kan Irish Special Criminal Court makalihis na porbarang ipuslit an 2.2 toneladang cocaine na nagkakantidad nin €157 million ( poco mas o menos P9.7 billion) palaog sa Ireland.
Dae na man binaggit kan DFA an pagkakakilanlan kan seaferer.
Napag-araman na ini na an panduwang pinakahalangkaw na padusa sa mga nahatulan, kasunod kan darong Dutch national na sinentensiyahan nin 20 taon.
Sinaysay man ni De Vega na padagos an pagtataong konsular assistance kan embahada kan Pilipinas sa Dublin asin nakikipag-koordinar na ini sa abogado kan Pilipino para sa masunod na lakdang sa legal na proseso.
An nahatulan an pawang tripulante kan MV Matthew, sarong Panamian-flagged cargo ship na nadakop kan Irish Army Rangers kan nakalihis na Setyembre 2023.
Gikan an barko sa Curacao, Venezuela, asin nasabat kan maglaog ini sa Irish territorial waters.
Ini an pinakadakulang drug bust sa historya kan Ireland.
Anom pang crews kan MV Matthew an hinatulan nin padusang puon 13.5 hasta 17.5 taon na pagkakakulong.