Nag-apelar an nagkapirang commuter group na iluwas na sana an fuel subsidy sa mga Public Utility Vehicles (PUVs) na padagos na nasasakitan kawsa kan paglangkaw sa presyo kan langis sa merkado.
Sigun ki Lawyers for Commuters Safety and Protection (LCSP) President Atty. Ariel Inton, nakapagluwas na kaidto nin certificate an Department of Energy (DOE) na mabukas sana an agihan para sa distribusyon kan tabang makalihis ining kumpirmahon ni dating Transportation Assistant Secretary asin Spokesman Mon IIagan.
Alagad dae na nadagos kan gobierno an pagheheras nin subsidy makalihis an pagkalma kan tensyon sa pag-ultanan kan Iran asin Israel rason tanganing magbaba an presyo kan langis sa pankinaban na merkado.
Katakod kaini, makikinabang an mga kolorum enkaso matugutan an dugang-pamasahe sa gabos kan mga PUVs.
Sa irarom kan 2025 General Appropriations Act, may pigtagama na P2.5-B pondo para sa fuel subdsidies sa mga sektor kan transportasyon kaibahan an mga PUV, taxi, tricycles, pati na man an ride-hailing asin delivery services sa bilog na nasyon.
