Pigpapahiro ni Senate Committee on National Defense Chairman Senador Jinggoy Estrada an mga kinauukulang ahensiya kan gobyerno na tulos aksyunan an manungod sa nahiling na Russian attack submarine sa West Philippine Sea kan nakalihis na semana.
Partikular na pig-ekaminar kan senador an Department of National Defense, Armed Forces of the Philippines, Department of Foreign Affairs na tawan-linaw tulos an intensiyon sa biglaan na paglaog kan Russian attack submarine sa kadagatan na sakop kan nasyon.
Sigun ki Estrada, makahadit an sitwasyon asin posibleng mabugtak sa alanganin an kadagatan asin seguridad kan maritime domain na sentro kan mga geopolitical tensions.
Nahahadit si Estrada na an presensya kan foreign military assets orog na an mga igwang offensive capabilities nagpapalangkaw sa peligro kan dae pagkakaintindihan asin kariribokan sa sensitibong parte kan rehiyon.
Mientrastanto, sinaysay man ni Senador Joel Villanueva na dapat mas higotan ngunyan an pagbabantay sa kadagatan.
Sa kansuarin sanang pagsasaley soboot kan Maritime Zones Act asin Archipelagic Sea Lanes, igwa na an nasyon nin orog na matibay na legal na kasangkapan tanganing ihurot asin protektaran an soberanya sa rehiyon.
Nahiling an Russian attact submarine kaining Huwebes sa kanluran na parte kan Occidental Mindoro na napag-araman gikan sa Malaysia alagad dae na ini naglubog pa sa kagadatan asin imbes na magpasiring ini pahilaga kan territorial waters kan nasyon kaining weekend.
