NAGA CITY- Padagos an pigsasagibong close coordination kan PNP-Lagonoy sa saindang MDRRMO, mga barangay officials asin iba pang magkakanigong ahensiya ngunyan na panahon kan tag-uran.
Sigun ki PSMG Adrian Lirag, Police Community Officer kan PNP-Lagonoy, an saindang banwaan an igwang area na maikokonsederar na Coastal asin Mountainous kun kaya kaipuhan an mahigot na pagmomonitor tuyong nakakaeksperyensiya nin sunod-sunod na pag-uuran asin pagbungkaras kan mga kalamidad.
Katakod kaini, pigtawan duon kan opisyal na importante an pagtatarabangan kan lambang residentes asin mga opisyales kan lokal na gobierno siring man an mga magkakanigong ahensiya tanganing malikayan na makapagrehistro nin casualties sa panahon kan kalamidad.
Mientrastanto, dakula man na katabangan sa pagresponde enkaso igwang emerhensiya asin sa panahon kan kalamidad an handheld radio na pigtatao sa mga PNP personnel na pwedeng magamit sa pakikipag-communicate sa saindang mga pag-iriba na yaon sa mga maluluyang signal.
Sa ngunyan, pigsierto na sana kan opisyal na padagos an saindang mga ginigibong lakdang tanganing magin preparado sa pagtataong asistensiya sa mga mangangaipuhan na indibidwal sa saindang banwaan.
