Nagpuon na an anom na aldaw na biyahe sa ibang nasyon ni Pope Leo XIV, ini an primerong biyahe kan Santo Papa na dae na naidagos kan namayapang si Pope Francis.
Magpuon Nobyembre 27 hasta Disyembre 2 an magigin biyahe kan Santo Papa.
Bibisitahon kaini primero an Iznik, sa Türkiye kun saen ikukundusir duman an paggirumdom kan 1,700 taon kan primerong Council fo Nicaea asin Lebanon.
Nakatalaan man ining magpasiring sa Ankara asin makipaghilingan ki Turkish President Recep Tayyip Erdogan.
An pagbisita man kan Santo Papa sa Lebanon an kasunod kan makapirang utro na pangapudan kaini nin dialogo asin katrangkiluhan sa rehiyon.
Pag abot man nin Disyembre 2, mapasiring an Santo Papa sa lugar kun saen nangyari an 2020 Bierut port explosion na ikinagadan kan 218 katao.
